Bakıda eyni saatda 2 yol qəzası: 1 ölü

Bakıda ölümlə ilə nəticələnən iki yol-nəqliyyat hadisəsi baş verib. Avtosfer.az-ın Daxili İşlər Nazirliyinin mətbuat xidmətinə istinadən məlumatına görə, ötən gecə saat 01 radələrində paytaxtın Nizami rayonu Babək prospektində müəyyən edilməmiş avtomobillə yolu keçən Bakı şəhər sakini Dursunxanım Abdulova vurulub. Piyada xəstəxanaya yerləşdirilib. Digər qəza isə Sabunçu rayonunda baş verib. Belə ki, ötən gecə 01 radələrində Bakı şəhər sakini Rüstəm Şərifov idarə etdiyi “Toyota” markalı avtomobillə yolu keçən paytaxt sakini Nəriman Məmmədovu vurub. Piyada hadisə yerində ölüb. Sabunçu və Nizami RPİ tərəfindən qəzalarla bağlı araşdırma aparılır.