Bakıda idarəetmədən çıxan "Mercedes" tanınmış aparıcının maşınını vurdu - ANBAAN VİDEO

Bakı-Sumqayıt yolunda (Bakı Beynəlxalq Avtovağzalın yaxınlığında) baş vermiş qəza anbaan kameraya düşüb.

Avtosfer.az xəbər verir ki, hadisə iyulun 14-də günorta saatlarında qeydə alınıb. Hərəkətdə olan 10-SS-234 dövlət nömrə nişanlı “Mini Cooper” markalı maşın “Mercedes” markalı avtomobillə toqquşub. Hadisə şahidlərinin iddiasına görə, qəzaya səbəb “Mercedes” sürücüsünün sərxoş halda nəqliyyat vasitəsini idarə etməsi olub. Nəticədə o, idarəetməni itirərək öncə avtobus zolağına keçib, daha sonra yol kənarındakı maneəyə dəyib. Sürücü qəzadan yayınmaq üçün sola manevr etsə də bu zaman hərəkətdə olan avtomobili vurub. Xoşbəxtlikdən “Mini Cooper”in sürücüsü avtomobili saxlayıb və baş verə biləcək ağır qəzanın qarşısını alıb.

Qeyd edək ki, “Mini Cooper”in sürücüsü aparıcı və aktrisa Şəms Allahverdiyavadır.

Nərmin