Bakıda sərnişin avtobusu qəzaya düşüb

Bakının Binəqədi rayonunda sərnişin avtobusunun iştirakı ilə yol qəzası baş verib. Anspress-in məlumatına görə, Biləcəri qəsəbəsi Binəqədi yolunda qeydə alınan avtoqəza zamanı 170 saylı xətt üzrə işləyən “Daewoo” markalı sərnişin avtobusu ilə yük maşını toqquşub. Hadisə vaxtı hər iki nəqliyyat vasitəsi eyni istiqamətdə hərəkətdə olsa da, yük maşını avtobusun arxasına çırpılıb ki, bu da hər iki avtomobilin əzilməsinə səbəb olub. Qəza nəticəsində xəsarət alan olmayıb.