Bakıda "TIR" aşdı: borular yola dağılıb, sürücü qaçıb - VİDEO

Paytaxtda yol-nəqliyyat hadisəsi baş verib.

Avtosfer.az xəbər verir ki, hadisə bu gün axşam saatlarında Nizami rayonu Abbas Mirzəyev küçəsində qeydə alınıb.

Belə ki, 10-ZE-540 qeydiyyat nişanlı "TIR" yoldakı tunelin çıxışında aşıb. Nəticədə yolda sıxlıq yaranıb. Yük avtomobilindəki dəmir borular yola dağılıb.

İddiaya görə, qəzaya düşən yük maşını yaxınlıqda yerləşən dəmir zavodundan çıxıb. Sürücünün isə içkili olduğu və hadisə yerindən qaçdığı iddialar arasındadır.

Hadisə yerinə çoxlu polis əməkdaşı cəlb olunub.

Məhəbbət Tərlanoğlu