Bakıda yüngül qəza baş verdi; sürücülər yolu kəsdilər - VİDEO

Bakıda baş verən yüngül qəza səbəbindən yolda sıxlıq yaranıb. Avtosfer.az xəbər verir ki, hadisə iyulun 3-də, paytaxtın İnşaatçılar prospektində baş verib. Belə ki, ara məsafəsini düzgün seçməyən "Volkswagen" markalı avtomobilin sürücüsü qarşıdakı "Hyundai" markalı avtomobilə toxunub. Hadisə nəticəsində "Hyundai"ın bamperində çox balaca bir hissə zədələnib. Bu səbəbdən sürücülər yolun ortasında dayanaraq hərəkətə mane olublar.

Sürücülərə tövsiyə edirik ki, yüngül qəzalar baş verən zaman yolun kənarında dayanaraq prosedura uyğun hərəkət etsinlər. Əksər sürücülərin yaddaşında qalmış yanlış bir düşüncə var ki, qəza olan zaman maşınları yerindən tərpətmək olmaz. Qəza zamanı günahın hansı sürücüdə olması məlumdursa, hətta onların yolun kənarında dayanmasına da ehtiyac yoxdur. Birbaşa Dövlət Yol Polisi İdarəsinə gedərək bunu rəsmiləşdirməlidirlər.

Fərid