Bakıda zəncirvari qəza: "VAZ" "Mercedes"i vurdu, 3 maşın bir-birinə girdi - FOTO

Bakının Nərimanov rayonunda yol qəzası zamanı üç nəfər xəsarət alıb, bir nəfər ölüb.

Hadisə Ziya Bünyadov prospektində baş verib.

“VAZ 2104” markalı nəqliyyat vasitəsi “Mercedes” markalı avtomobilə çırpılıb.

Qəza nəticəsində “VAZ 2104”də olan sürücü Talıbov Telman Balaxan oğlu ağır xəsarət alıb. Onun sərnişini isə hadisə yerində keçinib.

Baş vermiş qəza digər avtomobillərin toqquşmasına səbəb olub. Qəza nəticəsində yerə mühərrik yağı dağıldığı üçün həmin ərazidən keçən motosiklet sürücüsü sürüşərək aşıb və xəsarət alıb. Eyni zamanda motosikletə maddi ziyan dəyib.

Eyni istiqamətdə gələn “Toyota”, BMW və “Hyundai” ard-arda bir birinə çırpılıb.

Mənbə: APA