Bakıxanovda yük maşını “Volkswagen” və motosikletə çırpılıb aşdı - VİDEO

Paytaxtın Sabunçu rayonu, Bakıxanov qəsəbəsində zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza avqustun 22-də səhər saatlarında Bəşir Bünyadov küçəsində qeydə alınıb. Belə ki, hərəkətdə olan 99–JK-557 dövlət nömrə nişanlı “Isuzu” markalı yük maşını yol kənarında dayanmış 90-OC-387 dövlət nömrə nişanlı “Volkswagen Jetta” markalı avtomobil və motosikletə çırpılıb. Qəzaya səbəb yük maşınının anidən idarəetmədən çıxması olub. Zərbənin təsirindən yük maşını aşıb. Hadisə zamanı xəsarət alan olmasa da, hər üç nəqliyyat vasitəsinə maddi ziyan dəyib.

Qeyd edək ki faktla bağlı araşdırma aparılır.

Nərmin