Balakəndə yol nəqliyyat hadisəsi zamanı motosikletçi ağır yaralanıb

Balakəndə baş vermiş yol nəqliyyat hadisəsi zamanı motosikletçi ağır xəsarət alıb.

APA-nın məlumatına görə, hadisə axşam saatlarında rayonun Kortala kəndinin ərazisində baş verib.

1994-cü il təvəllüdlü Balakən rayon Kortala kənd sakini Fərman Cavanşir oğlu Əfəndiyev idarə etdiyi qoşqulu motoskleti aşırıb.

Qəza zamanı müxtəlif dərəcəli ağır bədən xəsarətləri alan F. Əfəndiyev Balakən Rayon Mərkəzi Xəstəxanasının (RMX) Reanimasiya şöbəsinə yerləşdirilib. F. Əfəndiyevin koma vəziyyətində olduğu bildirilir.

Faktla bağlı Balakən rayon Polis Şöbəsində araşdırma aparılır.