Betona çırpılan maşın körpüdən düşərək yandı - VİDEOLAR

ABŞ-də baş verən ağır yol qəzasının görüntüləri həvəskar kamera tərəfindən anbaan qeydə alınıb. Avtosfer.az xəbər verir ki, hadisə iyunun 5-də Boston şəhərində baş verib.

Məlumata görə, sürətlə hərəkətdə olan nəqliyyat vasitəsi sürücünün idarəetməsindən çıxaraq körpünün beton maneəsinə çırpılıb. Zərbənin təsirindən maşın alovlanıb, körpüdən aşağı düşərək tərsinə çevrilib və yanmağa başlayıb.

Yerli polisin bildirdiyinə görə, qəza nəticəsində nəqliyyat vasitəsinin sürücüsü ölüb.

Polis qəzanın baş vermə səbəblərini araşdırır.

Namiq Musayev