Beyləqanda ildırımdan qorxan sürücü maşını kanala aşırdı - VİDEO

Beyləqan rayonunda avtomobil kanala düşüb.  Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Hərəkətdə olan 60-BD-602 dövlət nömrə nişanlı “VAZ-2106” markalı maşın yoldan çıxaraq kanala aşıb. Şahidlərin iddiasına görə, qəzaya səbəb ildırım çaxması olub. Nəticədə sürücü qorxub və maşını kanala salıb. Hadisə zamanı xəsarət alan olmasa da, nəqliyyat vasitəsinə maddi ziyan dəyib.

Qeyd edək ki, avtomobil hadisə yerinə cəlb olunmuş FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən sudan çıxarılıb.

Nərmin