Bir ailə ağır qəzaya düşdü, ÖLƏN var: Yaralıların son durumu açıqlandı - FOTO

Tibbi Ərazi Bölmələrini İdarəetmə Birliyi (TƏBİB) Hacıqabul rayonunda baş verən yol-nəqliyyat hadisəsində xəsarət alanların son durumunu açıqlayıb.

Avtosfer.az-ın məlumatına görə, TƏBİB-dən cavab olaraq bildirilib ki, qəzada xəsarət alanlar - 1954-cü il təvəllüdlü Bakı şəhər sakini (qadın cinsli) baldırın geniş ölçülü açıq yarası, qapalı kəllə-beyin travması, 1955-ci il təvəllüdlü Bakı şəhər sakini (kişi cinsli) belin sağtərəfli küt travması diaqnozu ilə TƏBİB-in tabeliyindəki Şirvan Şəhər Mərkəzi Xəstəxanasının Təcili Təxirəsalınmaz Tibbi Yardım Şöbəsinə hospitalizasiya olunublar:

"Yaralılara lazımi tibbi xidmətlər göstərilib. 1954-cü il təvəllüdlü vətəndaşın müalicəsi Cərrahiyyə şöbəsində davam etdirilir, digəri isə ambulator müalicə üçün evə buraxılıb".

(oxu.az)

***

Hacıqabulda bir ailənin 3 üzvü qəzaya uğrayıb, onlardan biri ölüb. Avtosfer.az xəbər verir ki, hadisə səhər saatlarında Bakı-Qazax avtomagistralının Hacıqabul rayonunun Qarasu kəndi ərazisindən keçən hissəsində qeydə alınıb.

"Kamaz" markalı yük maşınının aşması nəticəsində Bakı sakini, 1977-ci il təvəllüdlü Məmmədov Samir hadisə yerində ölüb. Yasamal rayon sakinləri, 1954-cü il təvəllüdlü Məmmədova Füruzə Əsəd qızı və 1955-ci il təvəllüdlü Məmmədov Sahib Fərzəli oğlu xəsarət alaraq Şirvan rayon xəstəxanasına yerləşdirlib.

Faktla bağlı araşdırma aparılır.

(APA)