Daşkəsəndə qəzada xəsarət alanların kimliyi məlum olub

Daşkəsəndə avtomobil qəzasında xəsarət alanların kimliyi məlum olub.

"Report"un məlumatına görə, hadisə nəticəsində 1966-cı il təvəllüdlü Ş.Tağıyev, 1965-ci il təvəllüdlü H.Məmmədov və daha 2 nəfər xəsarət alıb.

Zərərçəkənlərin vəziyyəti kafi və orta-ağır qiymətləndirilir.

Qeyd edək ki, hadisə Gəncə-Daşkəsən avtomobil yolunun rayonun Quşçu kənd ərazisindən keçən hissəsində qeydə alınıb. İki avtomobilin toqquşması nəticəsində 4 nəfər xəsarət alıb.

Faktla bağlı araşdırma aparılır.