Dəhşətli yol qəzası: Bir ailədən 4 nəfər olmaqla, 6 nəfər ölüb - FOTO

İngiltərədə iki nəqliyyat vasitəsinin iştirakı ilə ağır yol qəzası baş verib. Avtosfer.az “TheSun” portalına istinadən xəbər verir ki, hadisə iyulun 21-də Vuakefield və Barnsley şəhərlərini birləşdirən A61 trasında qeydə alınıb.

Məlumata görə, “Ford Focus” markalı minik avtomobili motosikletlə toqquşub. Zərbənin şiddətindən minik avtomobili yanıb.

Nəticədə “Ford”da olan bir ailənin 4 nəfər üzvü (sürücü, onun həyat yoldaşı və 2 uşaqları), motosikletin sürücüsü və qadın sərnişini aldıqları xəsarətlərdən hadisə yerində ölüblər.

Hüquq-mühafizə orqanları tərəfindən hadisənin baş vermə səbələri araşdırılır.

Namiq Musayev