Erməni deputat avtomobil qəzasında ölüb - FOTO

Ermənistan parlamentinin "Hayastan" fraksiyasından olan deputatı Mher Saakyan yol-nəqliyyat hadisəsində həlak olub.

Avtosfer.az xəbər verir ki, bu barədə "Sputnik Ermənistan" DİN-in mətbuat xidmətinə istinadən məlumat yayıb.

Bildirilir ki, deputat bazar günündən axtarışda idi. Qurumun məlumatına görə, 37 yaşlı M.Saakyanın meyiti bu gün Ararat vilayətinin Tiqranaşen kəndi yaxınlığında avtomobilin içində aşkarlanıb.

İlkin məlumata görə, onun idarə etdiyi “Honda Accord” markalı avtomobili yoldan çıxaraq xəndəyə aşıb.