«Ford» iki maşını vurdu, sonra yandı - FOTOLAR

Yekaterinburqda 3 maşının toqquşması ilə nəticələnən qəza baş verib. Xoşbəxtlikdən ölüm halı baş verməyib. Avtosfer.az-ın xarici mətbuata istinadən xəbərinə görə, hadisə Yekaterinburqun Kosmonavtlar prospektində baş verib. «Ford» markalı avtomobil, «Renault» markalı maşını, daha sonra sərnişin avtobusunu vurub. Nəticədə «Ford» alışmağa başlayıb. Yanğınsöndürənlərin köməyi ilə yanğının qarşısı alınsa da maşın kül olub.Qəza zamanı xəsarət alan «Ford»un sürücüsü və digər 3 nəfər xəstəxanaya yerləşdirilib. Faktla bağlı araşdırma aparılır.