Goranboyda idarəetmədən çıxan avtomobil yol kənarına aşıb.

Avtosfer.az-ın məlumatına görə, rayonun Səfikürd kəndi yaxınlığında baş verib. Minik maşınının sürücüsü qarşısına çıxan qəfil maneədən yayınmaq istəyərkən idarəetməni itirib, avtomobil yol kənarına aşıb.

Hadisə nəticəsində 1983-cü il təvəllüdlü Bərdə rayon sakini Qasımov Tural Bayram oğlu xəsarət alaraq xəstəxanaya yerləşdirilib.

Faktla bağlı araşdırma aparılır.