Hacıqabulda baş verən ağır qəzada xəsarət alanların son durumu AÇIQLANDI - YENİLƏNİB

"Hacıqabul rayon Atbulaq ərazisində baş verən yol-nəqliyyat hadisəsi nəticəsində xəsarət alan 4 nəfər Şirvan Şəhər Mərkəzi Xəstəxanasının Təcili təxirəsalınmaz tibbi yardım şöbəsinə daxil olub".

Avtosfer.az xəbər verir ki, bu məlumat Tibbi Ərazi Bölmələrini İdarəetmə Birliyindən (TƏBİB) verilib.

"Onlardan 1972-ci il təvəllüdlü şəxsə (kişi cinsli) mil biləyin əzilməsi, 1971-ci il təvəllüdlü şəxsə (qadın cinsli) kəllə beyin travması, 1997-ci il təvəllüdlü şəxsə (qadın cinsli) alının əzilmiş yarası və burunun sınığı, 1976-cı il təvəllüdlü şəxsə (qadın cinsli) isə döş qəfəsinin əzilməsi, alının kəsilmiş yarası diaqnozu qoyulub. Hər birinə zəruri tibbi xidmət göstərilib və ambulator müalicə üçün evə buraxılıblar"- deyə məlumatda bildirilir.

(oxu.az)

***

09:40

Hacıqabulda yol qəzasında 3-ü bir ailənin üzvü olmaqla 4 nəfər xəsarət alıb.

Avtosfer.az xəbər verir ki, hadisə Bakı-Qazax magistralının rayonun Atbulaq kəndi ərazisindən keçən hissəsində qeydə alınıb.

Belə ki, minik avtomobili idarəetmədən çıxaraq yoldakı maneə çırpılıb.

Qəza nəticəsində Sumqayıt şəhər sakinləri - 1994-cü il təvəllüdlü Həşimov Mirağa Yaşar oğlu, 1971-ci il təvəllüdlü Həşimova Reyhan Əliağa qızı, 1997-ci il təvəllüdlü Həşimova Raya Yaşar qızı və Bakı şəhər sakini, 1979-cu il təvəllüdlü İsgəndərova Şəfiqə Nəsib qızı müxtəlif dərəcəli xəsarətlər alıblar.

Yaralılar Şirvan Şəhər Mərkəzi Xəstəxanasına çatdırılıb.

Faktla bağlı araşdırma aparılır.

(report)