İki avtomobil ağır qəza törətdi: 3 ölü, 10 yaralı - FOTOLAR

Türkiyənin Isparta bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az “TRT Haber”ə istiadən xəbər verir ki, hadisə iyulun 18-də Isparta-Antalya trasının 20-ci kilometrliyində qeydə alınıb.

Məlumata görə, iki minik avtomobili toqquşub. Zərbənin təsirindən hər iki maşın deformasiyaya uğrayıb.

Nəticədə ikisi uşaq olmaqla 3 nəfər ölüb, 10 nəfər isə xəsarət alıb.

Yaralılar, hadisə yerinə cəlb edilən ambulanslarla bölgənin müxtəlif xəstəxanalarına aparılıblar.

Faktla bağlı araşdırma aparılır.

Namiq Musayev