İsmayıllıda yük maşını qoyun sürüsünə çırpılıb, 20-dən çox qoyun tələf olub

İsmayıllıda yük maşını qoyun sürüsünə çırpılıb, 20-dən çox qoyun tələf olub. Avtosfer.az APA-ya istinadən xəbər verir ki, hadisə rayonun Lahıc qəsəbəsində qeydə alınıb. İlkin məlumata əsasən, “Kamaz” markalı yük avtomobili yol kənarındakı qoyun sürüsünə çırpılıb. Hadisə nəticəsində qoyun sürüsünə cobanlıq edən 1961-ci il təvəllüdlü Bəyalıyev Qocaman Elqirax oğluna xəsarət alıb, 20-dən çox qoyun tələf olub. Çoban ağır bədən xəsarətləri ilə rayon mərkəzi xəstəxanasına çatdırılıb. Faktla bağlı araşdırma aparılır.