“Kamaz” kişinin üstündən keçdi

Bu gün səhər saatlarında Bakının Binəqədi rayonunda gənc kişi faciəvi şəkildə ölüb. Binəqədi rayon Polis İdarəsi 6-cı polis bölməsindən anspress-ə verilən məlumata görə, hadisə Biləcəri qəsəbəsi, “O tay” adlanan ərazidə baş verib. Biləciridə “Retro” kafesinin yanında yaşı təxminən 30 olan kişi yol kənarı ilə gedərkən qarşıdan gələn “Kamaz” markalı yük maşınının altına düşüb. Yük maşını kişinin üstündən keçib. Kişi hadisə yerindəcə ölüb. Hazırda yol qəzasında ölən kişinin kimliyi araşdırılır. Faktla bağlı araşdırma aparılır.