Kürdəmir rayonunda avtomobil qəzası baş verib, xəsarət alan var. Avtosfer.az Report-a istinadən xəbər verir ki, hadisə rayonun Atakişili kəndindən keçən hissəsində qeydə alınıb. Belə ki, həmin yolda hərəkətdə olan "Mercedes" markalı avtomaşınla "VAZ 2107" markalı avtomaşın toqquşub. Nəticədə "VAZ 2107"nin sürücüsü 27 yaşlı Abdullayev İmran Qəşəm oğlu müxtəlif dərəcəli bədən xəsarəti alaraq Kürdəmir Rayon Mərkəzi Xəstəxanasına aparılıb.

Yaralı həkim nəzarətinə götürülüb.

Faktla bağlı araşdırma aparılır.