Lerikdə “Niva” ağaca çırpıldı - Xəsarət alanlar var

Lerikdə yol-nəqliyyat hadisəsi qeydə alınıb.

Avtosfer.az xəbər verir ki, hadisə dünən axşam saatlarında Lerik rayonunun Rəzəvül kəndində, meşə yolu adlanan ərazidə baş verib. 

Kənd sakini 1950-ci il təvəllüdlü Kamal Balamirzə oğlu Kazımovun idarə etdiyi “Niva” markalı minik avtomobili idarəetmədən çıxaraq ağaca çırpılıb.

Qəzada sürücü və həmkəndlisi, 1951-ci il təvəllüdlü Balabəy Əzim oğlu Həmidov müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasının təcili yardım şöbəsinə yerləşdiriliblər.

Qeyd edək ki, K.Kazımovun vəziyyəti ağır qiymətləndirilir. Onun müalicəsi xəstəxananın reanimasiya şöbəsində davam etdirilir. 

Faktla bağlı araşdırma aparılır.

(qafqazinfo)