Mikroavtobus “Ford”a çırpıldı: 3 ölü, 3 yaralı - FOTOLAR

Türkiyədə iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyulun 26-da Kocaeli-Sakarya trasının Kurtköy ərazisindən keçən hissəsində qeydə alınıb.

Məlumata görə, “Volkswagen” marklı mikroavtobus “Ford” markalı minik avtomobilinə arxadan çırpılıb. Zərbənin təsirindən hər iki maşına ciddi zərər dəyib. 

Nəticədə “Ford”da olan beş nəfərdən 3-ü ölüb, 2-si və mikroavtobusun sürücüsü isə xəsarətlər alıblar. Yaralılar, hadisə yerinə çağırılan ambulanslarla xəstəxanaya aparılıblar.

Faktla bağlı araşdırma aparılır.

Namiq Musayev