Prospektdə betonqarışdıran maşın önünə keçən “Prius”u sürüdü - ANBAAN VİDEO

Paytaxtın Ziya Bünyadov prospektində baş vermiş yol qəzası anbaan kameraya düşüb.

Avtosfer.az-ın məlumatına görə, bu barədə  görüntü sosial şəbəkədə paylaşılıb. Hərəkətdə olan “Toyota Prius” markalı avtomobil betonqarışdıran maşınla toqquşub. Belə ki, iki zolağın ortasıyla gedən “Prius” sürücüsü yük maşınlarının arasında sıxışıb qalır. Betonqarışdıran maşının önünə keçmək üçün sürücü sola manevr edir. Lakin bu zaman hərəkətdə olan yük maşını onu yolboyu sürüyür. Yük maşınının sürücüsü nəqliyyat vasitəsini saxlayır və baş verə biləcək ağır qəzanın qarşısını alır. 

Qeyd edək ki, hadisə zamanı avtomobilə maddi ziyan dəyib. Qəza yerinə DYP əməkdaşı cəlb olunub.

Nərmin