Prospektdə zəncirvari qəza: 5 maşın bir-birinə girdi - VİDEO

Paytaxtın Yasamal rayonunda zəncirvari qəza baş verib.

Avtosfer.az-ın məlumatına görə, hadisə avqustun 13-də Tbilisi prospektində qeydə alınıb. Belə ki, hərəkətdə olan 77-YJ-217 dövlət nömrə nişanlı “Chevrolet Cobalt” markalı, 77-HC-268 dövlət nömrə nişanlı “Opel Astra” markalı, 99-AE-185 dövlət nömrə nişanlı “Mercedes” markalı, 99-TO-109 dövlət nömrə nişanlı “Hyundai Tucson” markalı və “Ford Transit” markalı avtomobillər toqquşub. Qəzaya səbəb sürücülərin ara məsafəsini düzgün təyin etməməsi olub. Hadisə zamanı xəsarət alan olmasa da, nəqliyyat vasitələrinə maddi ziyan dəyib. 

Qeyd edək ki, faktla bağlı araşdırma aparılır. 

Nərmin