Qatar yolunda ölümdən dönən sürücü: avtomobil isə... - VİDEO

Bəzən sürücülər qatar yolunda şlaqbaum bağlı olsa da tələsərək yolu keçməyə cəhd edirlər. Bu isə bir çox hallarda ağır qəzalarla, ölümlə nəticələnir. Elə bir neçə il əvvəl paytaxtda 160 nömrəli avtobusun da analoji hərəkəti çoxlu sayda ölüm və yaralanma ilə nəticələnmişdi. Avtosfer.az-ın təqdim etdiyi videoda da belə hal yaşanır.

Sürücü qatar yoluna daxil olur. Qatarın gəldiyi gördükdə isə şlaqbaumu qaldırıb keçməyə çalışır. Lakin özünü xilas etsə də avtomobilini itirir. 

Nəqliyyat eksperti Elməddin Muradlı hesab edir ki, sürücülərin bu cür tələsməyi yolverilməzdir. "Əvvala qanunla bu qadağandır. İkincisi isə qatarın keçməsi ən çox bir neçə dəqiqə çəkə bilər. Bununla da həyatı riskə atmaq olmaz. Təəssüf ki, sürücülər bu qaydalara riayət etmir. Bəzən isə gözləməyi özünə rəva bilmir və nəticədə həyatını itirir."

Videonu təqdim edirik: