Qaydanı pozan motosiklet sarı işıqda keçən avtobusa çırpıldı - VİDEO

Sumqayıt şəhərində baş verən yol-nəqliyyat hadisəsinin videosu təhlükəsiz şəhər kamerasına qeyd olunub. Avtosfer.az xəbər verir ki, qəza hər iki sürücünün məsuliyyətsizliyi səbəbindən vaş verib.

Belə ki, motosiklet sürücüsü sola dönən zaman qarşıdan gələn avtobusa yol verməyib, avtobus sürücüsü isə svetoforun sarı işığında yolayrıcına daxil olub. 

Videogörüntüdən aydın şəkildə görünür ki, motosiklet sürücüsü intizamsızlıq edərək öncə təhlükəsizlik adacığı ilə hərəkət edib, daha sonra isə qarşısını görmədiyi halda anidən yolayrıcına daxil olub.

Qeyd edək ki, bəzən motosiklet, moped və velosiped sürücüləri düşünürlər ki, haradan gəldi istədikləri kimi hərəkət edə bilərlər. Bu təbii ki, belə ola bilməz. Digər nəqliyyat vasitələrinin sürücüləri kimi, bu sürücülər də qaydalara uyğun hərəkət etməlidirlər. Qaydaları pozmaq videogörüntüdəki kimi bədbəxt hadisələrə yol aça bilər.

Könül Rauf