Qazaxda yük maşını aşıb, xəsarət alan var 

Qazax rayonunda yol qəzası baş verib.

"Report"un Qərb Mərkəzinin verdiyi məlumata görə, hadisə Qazax şəhərində, mərkəzi bazarın yaxınlığında qeydə alınıb.

Minik avtomobilinin firmalardan birinə məxsus kiçik tutumlu yük maşınına çırpılması nəticəsində ikinci nəqliyyat vasitəsi idarəetmədən çıxaraq yola aşıb. Qəza nəticəsində 1970-ci il təvəllüdlü Şamil Əliyev xəsarət alıb. Hadisə səbəbindən avtomobil yolunda bir neçə dəqiqəlik tıxac yaranıb.

Faktla bağlı araşdırma aparılır.