Qəbələdə avtomobil evin hasarına çırpılıb, sürücü xəsarət alıb

Qəbələ rayonunda yol qəzası baş verib.

"Report"un  məlumatına görə, hadisə Ağdaş-Qəbələ yolunun rayonun Böyük Pirəlli kəndi ərazisindən keçən hissəsində qeydə alınıb.

Belə ki, "Mercedes" markalı avtomobil idarəetmədən çıxaraq evlərdən birinin hasarına çırpılıb və həyətyanı sahəyə daxil olub. Nəticədə sürücü müxtəlif dərəcəli bədən xəsarətləri ilə Qəbələ Rayon Mərkəzi Xəstəxanasına yerləşdirilib.

Faktla bağlı araşdırma aparılır.