Quba rayonunda üç nəfərin xəsarət alınması ilə nəticələnən ağır yol-nəqliyyat hadisəsi baş verib.

Report-un məlumatına görə, hadisə rayonun Atuc kəndi ərazisində qeydə alınıb.

Belə ki, "Mercedes" markalı yük avtomobili ilə "VAZ-2106" markalı minik avtomobili toqquşub.

Hadisə nəticəsində minik avtomobilində olan 3 nəfər xəsarət alıblar. Yaralılar təcili tibbi yardım avtomobili ilə xəstəxanaya aparılıb.

Faktla bağlı araşdırma aparılır.