Qobustan rayonunda xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə rayon ərazisində qeydə alınıb. İki avtomobilin toqquşması nəticəsində 1956-cı il təvəllüdlü Məmməd Füzuli Ağa oğlu və 1960-cı il təvəllüdlü Məmmədova Tənzilə Ömər qızı xəsarət alıblar.

Yaralılar təcili yardımın köməkliyi ilə xəstəxanaya çatdırılıblar.

Müayinə zamanı F. Məmmədova döş qəfəsinin küt travması, T. Məmmədovaya isə sol bud sümüyünün yerdəyişən sınığı diaqnozu qoyulub.

Hadisənin təfərrüatı araşdırılır.