Qubadlıda yol qəzası olub, xəsarət alan var 

Qubadlı rayonunda xəsarətlə nəticələnən yol-nəqliyyat hadisəsi baş verib.

"Report"un məlumatına görə, "VAZ-2106" markalı minik avtomobili hərəkətdə olarkən yük maşını ilə toqquşub.

Qəza zamanı minik avtomobilinin sürücüsü xəsarət alıb. Yaralı təcili tibbi yardımın köməkliyi ilə Bakıda yerləşən xəstəxanaların birinə gətirilib və həkim nəzarətinə götürülüb.

Hadisənin təfərrüatı araşdırılır.