Rusiyada ağır yol qəzasında bir avtomobildə olan 4 nəfər ölüb

Rusiyanın Novosibirsk vilayətinin P-254 magistral yolunda ölümlə nəticələnən ağır qəza baş verib.

APA TASS-a istinadən xəbər verir ki, hadisə zamanı 3 avtomobil toqquşub

Bölgə yol polisinin yaydığı məlumata görə, “Scania” markalı yük maşınının sürücüsü Omskdan Novosibirsk istiqamətində magistral yolda təhlükəsiz məsafəni qoruya bilməyərək “Toyota Camry”yə çırpılıb. Zərbənin gücündən “Toyota” işıqforun qarşısında dayanan “Mercedes” markalı yük maşını ilə toqquşub.

Qəza nəticəsində bir avtomobildə sürücü də daxil olmaqla 4 kişi ölüb.

Ölənlərin kimliyi müəyyənləşdirilir.