Sabirabadda ağır qəza: 2 ölü, 5 yaralı

 

 

Avtosfer.az-ın APA-ya istinadən verdiyi xəbərə görə, 18.00 radələrində Sabirabad rayonunun Qaragüney kəndi ərazisində “Toyota-Prado” markalı 90 KP 014 dövlət nömrə nişanlı avtomobillə VAZ 21014 markalı M 569 MP 123 RUS dövlət nömrə nişanlı avtomobilin toqquşması nəticəsində 2 nəfər ölüb, 5 nəfər yaralanıb. Hadisə nəticəsində VAZ 21014 markalı avtomobilin sürücüsü 1959-cu il təvəllüdlü Saatlı rayon sakini Abbasov Oktay Əsgər oğlu hadisə yerində ölüb, Bakı sakini 1952-ci il təvəllüdlü Surxayev Zakir Səlim oğlu isə xəstəxananın reanimasiya şöbəsində dünyasını dəyişib, digər sərnişinlər - Biləsuvar 2-ci qəsəbə sakini 1976-cı il təvəllüdlü Həşimova Xalidə Balaca qızı, Bakı sakini 1952-ci il təvəllüdlü Səmədov Allahverdi Cəmil oğlu, Biləsuvar 2-ci qəsəbə sakini 2002-ci il təvəllüdlü Həşimov Tural Qədir oğlu, Bakı sakini 1959-cu il təvəllüdlü Səmədov Xalıqverdi Cəmil oğlu və Bakı sakini 1952-ci il təvəllüdlü Rüstəmova Sədaqət Fikrət qızı müxtəlif bədən xəsarətləri ilə Şirvan şəhər xəstəxanasının reanimasiya travmatologiya şöbəsinə yerləşdirilib. 

 

 

Faktla bağlı BDYPİ-də araşdırma aparılır.