Sabirabadda baş verən qəzada iki nəfər xəsarət alıb

Sabirabad rayonunda iki nəfərin xəsarət alması ilə nəticələnən yol qəzası baş verib.

“Report”un  məlumatına görə, hadisə rayonun Zəngənə-Cavad kəndini birləşdirən yolda qeydə alınıb.

Belə ki, hərəkətdə olan iki avtomobil toqquşub.

Qəza nəticəsində Sabirabadda yaşayan Kürdəmir rayon sakinləri, 1968-ci il təvəllüdlü Mayılov Vüqar Bəybala oğlu və 1974-cü il təvəllüdlü Əsədov Natiq Məmmədtağı oğlu müxtəlif dərəcəli bədən xəsarətləri alıb.

Xəsarət alanlar Şirvan Şəhər Mərkəzi Xəstəxanasına yerləşdirilib.

Faktla bağlı araşdırma aparılır.