Salyanda yol qəzasında bir ailənin 3 üzvü xəsarət alıb

Salyanda ağır yol qəzası baş verib, bir ailənin 3 üzvü xəsarət alıb.

“Report”un məlumatına görə, iki avtomobilin toqquşması nəticəsində bir ailənin üç üzvü, Neftçala rayonunun Şorkənd kənd sakinləri - 1990-cı il təvəllüdlü Göyçayeva Şahzadə Əlvan qızı, 2008-ci il təvəllüdlü Göyçayeva Fatimə Rasim qızı, 2010-cu il təvəllüdlü Göyçayev Abuzər Rasim oğlu və Bakı şəhər sakini, 2003-cü il təvəllüdlü Babayev Rəşad Azər oğlu müxtəlif dərəcəli xəsarətlər alıblar. Yaralılar Salyan Mərkəzi Rayon Xəstəxanasına çatdırılıblar.

Faktla bağlı araşdırma aparılır.