Samuxda ər və arvad yol qəzasında xəsarət alıb - YENİLƏNİB

Samux rayonunda iki avtomobilin toqquşması nəticəsində ər və arvad xəsarət alıb.

Avtosfer.az-ın məlumatına görə, yol qəzasında 1955-ci il təvəllüdlü G. Qurabnov və onun həyat yoldaşı, 1963-cü il təvəllüdlü A. Qurbanova yaralanıb.

Onların vəziyyəti kafi və orta-ağır olaraq qaldığı bildirilib.

Faktla bağlı araşdırma aparılır.

08:02

Samux rayonunda iki avtomobil toqquşub, bir neçə nəfər xəsarət alıb.

“Report”un məlumatına görə, hadisə rayonun Zazalı kənd yolunda qeydə alınıb.

İki avtomobilin toqquşması nəticəsində xəsarət alanlardan ikisi Gəncə şəhərində yerləşən xəstəxanaların birinə aparılıb.

Onların vəziyyəti kafi və orta-ağır qiymətləndirilir.

Qəzanın baş vermə səbəbləri və xəsarət alanların şəxsiyyəti araşdırılır.