Şəkidə 64 yaşlı piyadanı maşın vurub

Şəkidə yol qəzasında piyada ağır xəsarətlər alıb.

Avtosfer.az “Azərtac”a istinadən xəbər verir ki, hadisə Qaraməryəm-İsmayıllı-Şəki avtomobil yolunun Şəki Rayon Mərkəzi Xəstəxanasının qarşısından keçən hissəsində baş verib.

İlkin məlumata görə, rayon sakini Nicat Məlikov idarə etdiyi “Hyundai” markalı avtomobillə yolu keçmək istəyən Şəki Rayon Mərkəzi Xəstəxanasının Göz xəstəlikləri şöbəsinə rəhbərlik edən Gülnarə Məmmədovanı vurub. 64 yaşlı həkim hadisə şahidlərinin köməyi ilə xəstəxananın Reanimasiya şöbəsinə yerləşdirilib, vəziyyəti ağır qiymətləndirilir.

Faktla bağlı araşdırma aparılır.