Sərnişin avtobusu dərəyə aşdı: 25 nəfər ölüb - FOTO

Peruda sərnişin avtobusunun iştirakı ilə ağır yol qəzası baş verib. Avtosfer.az RPP.pe portalına istinadən xəbər verir ki, hadisə ölkənin cənubundakı Ayakuço bölgəsində qeydə alınıb.

Məlumata görə, “Empresa Turismo Molina Union SAC” şirkətinə məxsus avtobus hərəkətdə olan zaman sürücünün sükan idarəetməsini itirməsi səbəbindən yoldan çıxaraq təxminən 200 metr dərinlikdəki dərəyə düşüb.

Nəticədə 25 nəfər ölüb, onlarla insan xəsarət alıb.

Bildirilir ki, avtobusda təxminən 40 sərnişin olub.

Qəza yerinə yerli səhiyyə müəssisələrindən, Yanğından Mühafizə Xidmətindən və Polis Səhiyyə Xidmətindən beş təcili yardım maşını cəlb edilib.

Hadisə ilə bağlı araşdırmalar davam edir.

Namiq Musayev