Sükan arxasında telefonla danışan sürücü gülməli qəza törətdi - ANBAAN VİDEO

Paytaxtın Binəqədi rayonu Süleyman Sani Axundov küçəsində baş vermiş qəza anbaan kameraya düşüb.

Avtosfer.az-ın məlumatına görə, hadisə iyulun 19-da saat 18:38 radələrində qeydə alınıb. Belə ki, hərəkətdə olan 99-FH-359 dövlət nömrə nişanlı “Mercedes” markalı maşının sürücüsü qəza törədib. Maşını park etmək istəyən sürücü nəqliyyat vasitəsini güzgüyə baxmadan geriyə sürüb. Bu zaman o, arxadan gələn “Changan” markalı avtomobillə toqquşub. Qəzaya səbəb “Mercedes” sürücüsünün sükan arxasında telefonla danışması olub.

Qeyd edək ki, hadisə zamanı hər iki avtomobilə maddi ziyan dəyib. 

Nərmin