Sükan arxasında yatan sürücü avtomobili “BMW”yə çırpdı - VİDEO

İsmayıllı-Qəbələ yolunda ağır qəza baş verib.

Avtosfer.az-ın məlumatına görə, hadisə iyunun 18-i saat 05:00 radələrində qeydə alınıb. Belə ki, hərəkətdə olan “Honda” markalı maşın, 10-UP-525 dövlət nömrə nişanlı “BMW” markalı avtomobillə toqquşub. Hadisə şahidlərinin iddiasına görə, qəzaya səbəb “Honda” sürücüsünün sükan arxasında yuxulaması olub. Nəticədə idarəetmədən çıxan maşın öndən gələn “BMW”yə çırpılıb. Hadisə zamanı hər iki nəqliyyat vasitəsinə maddi ziyan dəyib, “BMW” sürücüsünün ayağı sınıb. Yaralı xəstəxanaya yerləşdirilib.

Faktla bağlı araşdırma aparılır.

Nərmin