Sumqayıtda yol qəzası oldu: 4 nəfər xəsarət alıb - FOTO

Sumqayıtda 4 nəfərin xəsarət alması ilə nəticələnən yol-nəqliyyat hadisəsi baş verib.

APA xəbər verir ki, hadisə Sülh prospekti ilə Səməd Vurğun küçəsinin kəsişməsində qeydə alınıb. "Toyota Prius” və "İsuzu" markalı avtomobillər toqquşub. Nəticədə "Prius"da olan sürücü və 3 sərnişin xəsarət alıb.

Yaralılar dərhal Sumqayıt şəhər Təcili Tibbi Yardım Xəstəxanasına çatdırılıb.

Fakt araşdırılır.