Təkərləri partlayan “Mercedes” bu hala düşdü – FOTOLAR

Salyan rayonunda 1 nəfərin xəsarət alması ilə nəticələnən yol qəzası baş verib. Hadisə bu gün səhər saatlarında Salyan-Neftçala avtomobil yolunun 7-ci kilometrliyində, Salyan rayonunun Xocalı kəndi ərazisində qeydə alınıb. Neftçala sakini Bahadir Nağıyev idarə etdiyi “Mercedes”markalı minik maşını ilə Salyan istiqamətində hərəkətdə olarkən təkərin partlaması nəticəsində idarəetməni itirib. Nəticədə avtomobil yoldan çıxaraq ağaca çırpılıb və yararsız hala düşüb. Hadisə zamanı sürücünün atası xəsarət alıb. Faktla bağlı araşdırma aparılır.