“Tofaş” ağaca çırpılıb parça-parça oldu: 2-si ağır, 5 yaralı - FOTO

Türkiyənin Dənizili bölgəsində ağır yol qəzası baş verib. Avtosfer.az yerli KİV-ə istinadən xəbər verir ki, hadisə iyulun 3-də səhər saatlarında Mərkəzəfəndi rayonunda qeydə alınıb.

Məlumata görə, hərəkətdə olan “Tofaş” markalı minik avtomobili əyləc sistemində yaranmış nasazlıq səbəbindən sürücünün idarəetməsindən çıxaraq ağaca çırpılıb.

Zərbənin şiddətindən avtomobil iki hissəyə bölünüb və parçaları ətrafa səpələnib. Nəticədə 5 nəfər xəsarət alıb.  

Yaralılar, hadisə yerinə cəlb olunan ambulanslarla xəstəxanaya aparılıblar. Onlardan ikisinin vəziyyətinin ağır olduğu bildirilir.

Polis qəzanın başvermə səbəblərini araşdırır.

Namiq Musayev