Tovuzda "07" mikroavtobusla toqquşub, ölən və yaralılar var - FOTO

Tovuz şəhərində bir nəfərin ölümü, daha iki nəfərin xəsarət alması ilə nəticələnən yol-nəqliyyat hadisəsi olub.

DİN-in Mətbuat Xidmətinin Gəncə regional qrupunun baş inspektoru, Eşqin Qasımov Avtosfer.az-a bildirib ki, rayon ərazisində yol nəqliyyat hadisəsi baş verməsi, 2 nəfərin xəsarət alması, bir nəfərin dünyasını dəyişməsi barədə məlumat daxil olub. Dərhal polis əməkdaşları hadisə yerinə gələrək müvafiq araşdırmalar aparıb, nəqliyyatın hərəkəti bərpa olunub. Araşdırmalar nəticəsində məlum olub ki, "Vaz 2107" markalı avtomobil "Mercedes" markalı mikroavtobus ilə toqquşub, hadisə nəticəsində 07-də olan, sərnişin, 1976-cı il təvəllüdlü, Bayramlı kənd sakini Asif Alıyev dünyasını dəyişib, digər sərnişinlər, 2001-ci il təvəllüdlü Mansur Alıyev və həmkəndlisi, 1981-ci il təvəllüdlü Bayram İsgəndərov müxtəlif bədən xəsarətləri alıb.
Qeyd edim ki, mikroavtobusda sərnişin olmayıb və sürücüsü xəsarət almayıb

Faktla bağlı araşdırma aparılır.