Toya saatlar qalmış bəy və gəlin qəzaya düşdü: 5 nəfər xəsarət alıb - FOTOLAR

Türkiyənin Kocaeli bölgəsində minik avtomobilinin iştirakı ilə yol-nəqliyyat hadisəsi baş verib.

Avtosfer.az yerli KİV-ə istinadən xəbər verir ki, hadisə Körfəz rayonunda qeydə alınıb.

Məlumata görə, içərisində 6 nəfərin olduğu “Hyundai” markalı minik avtomobili sürücünün idarəetməsindən çıxaraq yol ayrıcındakı səkiyə çırpılıb.

Nəticədə bəy və daha 4 nəfər xəsarətlər alıb, gəlin isə qəzadan yaralanmadan xilas olub.

Ətrafdakıların çağrışı ilə hadisə yerinə polis, təcili tibbi yardım və xilasedicilər gəliblər.

Yaralılar, ambulanslarla müayinə üçün xəstəxanaya aparılıblar.

Bildirilir ki, bəy və gəlinin axşam saatlarında toyları olacaq və onlar fotosesiya üçün gedirlərmiş.

Qəzadan sonra onlar başqa bir avtomobillə şəkil çəkdirməyə gediblər.

Namiq Musayev