“Volkswagen” dirəyə çırpılıb: bir nəfər ölüb, 2 nəfər yaralanıb

Gecə saatlarında Bakıda 1 nəfərin ölümü, 2 nəfərin xəsarət alması ilə nəticələnən ağır yol qəzası baş verib. Hadisə Hövsan qəsəbəsində qeydə alınıb. “Volkswagen” markalı avtomobil idarəetməni itirərək yol kənarındakı dirəyə çırpılıb. Bundan sonra maşın aşıb. Hadisə nəticəsində avtomobildə olan sərnişin 49 yaşlı Məhərrəm Əsgərov dünyasını dəyişib, daha iki sərnişin - 50 yaşlı Maya Şirəliyeva və 62 yaşlı Rasim Əliyev müxtəlif dərəcəli bədən xəsarəti ilə 3 saylı Şəhər Kliniki Xəstəxanasına yerləşdirilib. Xəstəxanadan APA TV-yə verilən məlumata görə, yaralıların vəziyyəti orta-ağırdır. Hadisənin dəqiq səbəbi hələki məlum deyil. Faktla bağlı Suraxanı rayon Polis İdarəsində araşdırma aparılır.