“Volkswagen” “Kia” ilə toqquşdu: 8 nəfər xəsarət alıb - FOTO

Rusiyanın Kemerov bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KIV-ə istinadən xəbər verir ki, hadisə iyulun 1-də Tereşkova küçəsində qeydə alınıb.

Məlumata görə, hərəkətdə olan “Volkswagen Polo” markalı minik avtomobili, sürücünün idarəetməsindən çıxaraq əks istiqamətə çıxıb və qarşıdan gələn “Kia Rio” ilə toqquşub.

Zərbənin təsirindən hər iki nəqliyyat vasitəsinə ciddi zərər dəyib.

Nəticədə 8 nəfər müxtəlif dərəcəli bədən xəsarətləri alıblar. Yaralılar, hadisə yerinə cəlb edilən təcili tibbi yardım maşınları ilə xəstəxanaya aparılıblar.

Qəza ilə bağlı cinayət işi açılıb, araşdırma aparılır.

Namiq Musayev