Xaçmazda "Qazel" aşdı; 3 ton şaftalı yola dağıldı

Xaçmazda "Qazel" yük maşını aşıb. Anspress-in məlumatına görə, hadisə rayonun Qımılqışlaq kəndi ərazisində baş verib. Şahidlər bildirir ki, kənd yolu ilə yüksək sürətlə hərəkət edən "Mercedes" markalı minik maşını əks istiqamətdə gələn "Qazel" markalı yük maşını ilə toqquşub. Nəticədə "Qazel" maşını aşıb və onun apardığı 3 tona yaxın şaftalı yola tökülüb. Hadisə yerinə Dövlət Yol Polisinin əməkdaşları gəlib. 

Qeyd edək ki, "Mercedes" maşını qəzadan sonra ərazidən uzaqlaşıb, hazırda onun saxlanılması üçün əməliyyat tədbirləri həyata keçirilir.