Xətaidə ağır qəza: ölən var

Bu gün Bakıda ölümlə nəticələnən yol-nəqliyyat hadisəsi baş verib. Bakı şəhər Baş Polis İdarəsindən Lent.az-a verilən məlumata görə, Xətai rayonu M.Hadi küçəsində Naxçıvan şəhər sakini, 1985-ci il təvəllüdlü Xəqani Abbasov idarə etdiyi «Mercedes» markalı avtomobillə Bakı şəhər sakini, 1972-ci il təvəllüdlü İmran Şıxmirovu vurub. İ.Şıxmirov aldığı xəsarətlər nəticədə, 3 saylı xəstəxanada ölüb. Faktla bağlı araşdırm aparılır.